Shembja e Teatrit Kombëtar në Tiranë është bërë jehonë edhe në mediat e huaja, duke nxjerrë në pah dhunën e ushtuar mbi qytetarët dhe artisrtët.
Artikujt e mediave te huaja per shembjen e Teatrit në Tiranë. 17 Maj, 2020 16:50
TIRANË– Shembja e Teatrit Kombëtar në orët e para të mëngjesit dhe dhuna e ushtruar ka bërë jehonë edhe në mediat e huaja. Të përditshmet e huaja i kanë kushtuar vëmendje shembjes së godinës së Teatrit në Shqipëri, ndërkohë që është theksuar edhe dhuna e ushtruar mbi qytetarët e revoltuar ndaj ndërhyrjes së bërë nga Bashkia e Tiranës.
“Policia shqiptare u përlesh të dielën me mbështetës të opozitës që po protestonin për prishjen e ndërtesës së Teatrit Kombëtar të vendit në kryeqytet.”– kështu e kanë nisur artikullin për shembjen e Teatrit në vendin tonë dhjetëra media të huaja.
‘ABC News’ shkruan gjithçka ndodhi paraditen e sotme në Tiranë sesi policia tërhoqi një grup artistësh dhe disa drejtues të opozitës larg godinës së Teatrit në Tiranë orët e para të mëngjesit para se mjetet e ndërtimit të shkatërronin ndërtesën.
Reuters shkruan se vendi ynë është në bllokim për shkak të shpërthimit të koronavirusit dhe nuk lejohen mbledhje masive. Por fati i kësaj ndërtese, i ndërtuar në 1939 që u bë në një teatër kombëtar në 1945, ka ndarë shoqërinë ku shumë qytetarë janë të zemëruar me kryeministrin Rama që zgjodhi të veprojë gjatë mbylljes së koronavirusit.
Më tej Reuters ka shtuar edhe një deklaratë të Ramës ku thotë se këto janë protesta që kanë kundërshtuar çdo projekt në Tiranë.
“Këta janë të njëjtët njerëz që ngriten kundër çdo projekti në Tiranë. Ata nuk duan zhvillim, por nuk mund ta ndalojnë Tiranën.”- tha Rama përmes një postim në Facebook.
“Vendimi i qeverisë për të shkatërruar Teatrin e vjetër Kombëtar, të ndërtuar nga italianët kur ata pushtuan Shqipërinë gjatë Luftës së Dytë Botërore, u kundërshtuan nga artistë dhe të tjerë që e donin atë të rinovohej. Punëtorët filluan ndërtimin e teatrit në vitin 1938 dhe e mbaruan atë një vit më pas para se të hapet si një qendër kulturore në 1940. Qeveria e Shqipërisë mori vendimin që ta rrëzonte atë dy vjet më parë dhe e mbylli atë, por aktorët dhe artistët vazhduan ta përdorin atë edhe pas kësaj ngjarje.” –shkruan Nytimes.
“Teatri kishte shumë emra ndër vite. Kur u hap për herë të parë, italianët e quajtën Savoia, dhe më pas gjatë okupimit gjerman u quajt Movie Theater Kosova para se të riemërohej Teatri Popullor gjatë kohës së komunizmit dhe më në fund Teatri Kombëtar. Qindra protestues vazhduan të qëndrojnë pranë ndërtesës teksa po shkatërrohej duke u përpjekur të thyejnë kordonin e policisë dhe duke brohoritur “poshtë diktatura!”-shkruan më tej kjo media.
Në artikujt për shembjen e Teatrit në Tiranë përmendet edhe reagimi i Presidenti Ilir Meta, i cili ka dënaur lëvizjen e qeverisë së majtë të kryeministrit Edi Rama si “një krim kushtetues, ligjor dhe moral”.
Edhe zyra e Bashkimit Evropian në Tiranë ka shprehur keqardhje për prishjen e Teatrit në një kohë kur ata kishin bërë thirrje për negociata me shoqërinë civile, dhe për partitë politike për të shmangur “përshkallëzimin e situatës”.
Policia tha që 37 persona, përfshirë një gazetar, Alfred Lela janë arrestuar. Një polic u shtrua në spital pasi u godit nga protestuesit. Dy policë u plagosën dhe stacionet televizive treguan gjithashtu një qytetar të përgjakur.
Pamjet televizive treguan, politikanen Monika Kryemadhi, drejtuese e një partie të vogël opozitare dhe gruaja e presidentit të vendit, duke u futur në një furgon policie. Pozita e presidentit është kryesisht një post ceremonial në Shqipëri. Kryemadhi u lirua më vonë.
Kreu i Partisë Demokratike të opozitës, Lulzim Basha, u bëri thirrje banorëve të rrëzojnë qeverinë për shkatërrimin e teatrit.
Basha u bëri thirrje të gjithë qytetarëve që të fillojnë protestat mbarëkombëtare “për të hequr qafe këtë bandit dhe këtë të keqe të madhe”, duke shtuar se demonstratat do të mbaheshin “duke respektuar kushtet higjienike”.
Shqipëria, e cila në fillim të këtij viti mori miratimin nga BE për të filluar negociatat e plota të anëtarësimit për t’u anëtarësuar, ka qenë në një situatë të tensionuar politike që nga viti i kaluar kur partitë e opozitës lanë vendet e tyre në parlament.
Gjatë orëve të para të ditës së sotme është shembur godina e Teatrit Kombëtar. Aksioni për shembjen e kësaj godine ka nisur 04:30 të mëngjesit të sotëm, ku pati përplasje. Mësohet se në Polici janë shoqëruar Gazment Bardhi, Edi Paloka, aktori Neritan Liçaj, Monika Kryemadhi, Robert Budina, Titi Seranaj, Silva Caka dhe dhjetëra qytetarë. Por përplasjet vijojnë, pak më parë dhjetëra qytetarë çanë kordonin e policisë, në sheshin pranë teatrit. Basha ka paralajmëruar aksion opozitar, ndërsa Kryemadhi iu bëri thirrje shqiptarëve që braktisin gjendjen e fatkeqësisë natyrore.
A.C/Dosja.al