Ministri i Ekonomisë dhe Punës, Besar Durmishi, e mbështeti dhe inkurajoi Komisionin për Mbrojtjen e Konkurrencës, i cili ka nisur një procedurë kundërvajtëse ndaj katër zinxhirëve të mëdhenj të supermarketeve dhe ndaj Bashkimit të Dhomave të Tregtisë për marrëveshje të paligjshme mbi çmimet.
Nga Komisioni, për momentin, nuk japin informacione shtesë, pasi ende është në afat periudha në të cilën palët e përfshira mund të paraqesin argumentet e tyre. Më herët, Bashkimi i Dhomave të Tregtisë u shpreh se është i befasuar në mënyrë të pakëndshme nga veprimi i Komisionit. Kryeministri, Hristijan Mickoski, reagoi duke deklaruar se kushdo që mendon të përdorë truke, duhet të dijë se ekziston Ligji dhe do të mbajë përgjegjësi në përputhje me të.
Ndërkohë, në përputhje me ndryshimet në Ligjin për Mbrojtjen e Konsumatorëve, duke filluar nga mesi i prillit, tregtarët do të kenë detyrimin të publikojnë çmimet e të gjitha produkteve në faqet e tyre të internetit. Brenda 10 ditëve të ardhshme do të publikohen edhe rregulloret përkatëse dhe do të ketë masa ndëshkuese të rrepta. Për supermarketet që nuk do ta respektojnë vendimin, do të ketë gjoba që variojnë nga 500 deri në 10,000 euro, madje edhe mbyllje të përkohshme të tyre për një periudhë prej 15 ditësh.