Gjykata Kushtetuese sot në një seancë ka marrë vendim për shfuqizimin e “balancuesit”, mjetit të punësimit sipas kombësisë në institucionet shtetërore. Vendimi nuk do të zbatohet në mënyrë retroaktive.
Më shumë për vendimin do të informojë kryetari i Gjykatës Kushtetuese, Darko Kostadinovski, siç është paralajmëruar, në një konferencë për media pas seancës së sotme të 27-të.
Instrumenti që ka pasur për qëllim të ekuilibrojë përfaqësimin e bashkësive etnike në administratë, sot u gjend para Gjykatës Kushtetuese.
Gjykatësit, sot vendosën për shfuqizimin e “Balancuesit”, i cili prej 18 shtatorit është i pezulluar dhe me këtë ka humbur balanci i të gjitha punësimeve në administratë.
Lënda për instrumentin që rrënjët i ka në Marrëveshjen e Ohrit, është formuar pas dorëzimit të nismës nga ish kryetarja e Komisionit për Antikorrupsion, Biljana Ivanovska, në janar të këtij viti.
Më të, kontestohet kushtetutshmëria e dispozitave ligjore që kanë të bëjnë me kushtin për mbajtje llogari për përkatësinë etnike gjatë konkurseve publike dhe punësimeve në administratë.