Ministri i Punëve të Jashtme dhe Tregtisë së Jashtme, Timço Mucunski, ka zhvilluar sot takime të ndara me ambasadorin e Bashkimit Evropian, David Geer, ambasadorin e Republikës së Italisë, Andrea Silvestri, ambasadorin e Austrisë, Martin Pamer dhe Jürgen Schroeder, këshilltar ekonomik, Shef i Advantage Austria për rajonin, thuhet në njoftimin e MPJ-së.
Në takimin me ambasadorin Geer, theksojnë nga MPJ, fokusi i fuqishëm i Qeverisë së re në përshpejtimin e procesit të integrimit evropian të vendit dhe realizimin e reformave që do të nënkuptojnë progres të prekshëm për qytetarët, në radhë të parë në fushën e garantimit të zhvillimit ekonomik dhe promovimit të sundimit të ligjit dhe luftën kundër korrupsionit të lartë.
“Një herë u theksua rëndësia e procesit të integrimit evropian për stabilitetin e rajonit dhe, në këtë kuptim, nevoja për integrimin sa më të shpejtë të vendeve të Ballkanit Perëndimor në BE, duke pasur parasysh kontekstin aktual gjeopolitik. Në lidhje me Planin e Rritjes për Ballkanin Perëndimor, i cili paraqet një kontribut të rëndësishëm politik dhe financiar të BE-së për përshpejtimin e integrimit të vendeve të kësaj zone në BE, ministri Mucunski nënvizoi se qeveria e re në një periudhë shumë të shkurtër koha solli zgjidhje dhe së fundi dorëzoi në KE Agjendën e Reformës së vendit.
Në bashkëbisedimin me ambasadorin e Italisë, Andrea Silvestri, u përshëndetën marrëdhëniet dypalëshe dhe gatishmëria për t’i forcuar ato, veçanërisht në fushën e kulturës dhe ekonomisë. Njëkohësisht ata morën pjesë së bashku në një ceremoni me rastin e dhënies së certifikatave të diplomatëve tanë për përfundimin me sukses të kursit të gjuhës italiane. Një qasje e tillë paraqet një tjetër konfirmim shtesë të gatishmërisë për të forcuar lidhjet kulturore dhe për afrimin e dy vendeve mike.
Me ambasadorin Pamer dhe këshilltarin ekonomik Schroeder, bashkërisht u konstatua se pavarësisht vëllimit të arritur të tregtisë, ka ende shumë hapësirë dhe kushte për vazhdimin e trendit të rritjes së tregtisë ndërmjet dy vendeve. Domethënë, me Austrinë, si investitori ynë më i madh, partneri dhe miku i vendit tonë, duhet të vazhdojë të inkurajohet bashkëpunimi ekonomik, investimet dhe marrëdhëniet tregtare. Krahas shkëmbimit të mendimeve lidhur me bashkëpunimin dypalësh ekonomik mes dy vendeve, u prezantuan edhe prioritetet ekonomike të Qeverisë për tërheqjen e investimeve të huaja”, thuhet në njoftimin e MPJ-së.