Të paktën 60 emigrantë kanë vdekur pas përmbysjes së një gomoneje në Detin Mesdhe, sipas të mbijetuarve.
25 të mbijetuarit e tjerë janë shpëtuar nga anija e operuar nga grupi humanitar SOS Mediterranee, Ocean Viking.
Bëhet e ditur se emigrantët ishin nisur nga Zawiya drejt bregdetit libian shtatë ditë para se të ndodhte tragjedia, shkruan yahoonews.
Motori i gomones është prishur pas tre ditësh lundrim, duke i lënë emigrantët nën ujë, dhe pa ushqim.
Ekuipazhi i Ocean Viking e kishte pikasur gomonen dhe menjëherë kishte organizuar evakuim mjekësor në bashkëpunim me rojet bregdetare italiane.
Dy prej të mbijetuarve kanë qenë pa ndjenja dhe në gjendje kritike. Ata janë dërguar me helikopter në Sicili për trajtim të mëtejshëm.
Ndryshe, sipas Organizatës Ndërkombëtare për Migracionin (IOM), viti 2023 ishte viti më vdekjeprurës për emigrantët me të paktën 8,565 të vdekur.
Raportet nga OKB-ja zbuluan se Mesdheu vazhdon të jetë rruga detare më e rrezikshme me 3,129 vdekje vetëm gjatë vitit 2023.