Lidhur me ligjin e propozuar për amnisti, ambasadorja amerikane Angela Ageler tha sot se është e rëndësishme për Shtetet e Bashkuara dhe Ambasadën Amerikane që procese të tilla të zhvillohen në mënyrë transparente dhe të ligjshme.
Ajo theksoi se është e vetëdijshme që ligji ka hyrë në procedurë parlamentare, por se nuk e di përmbajtjen e tij dhe shtoi se është e rëndësishme që liderët politikë të njohin opinionin me nevojën e bartjes së tij.
“Qytetarët e vendit duhet të kuptojnë se çfarë po ndodh, dhe pse po ndodh, dhe liderët e tyre të zgjedhur të komunikojnë me ta sepse është e rëndësishme. Ky nuk është ligji i parë i amnistisë, sigurisht që nuk do të jetë i fundit dhe ne po e ndjekim nga afër procesin për të parë rezultatin përfundimtar”, tha Ageler.
Zyra e Kryetarit të Kuvendit bëri të ditur dje se ligji tashmë u është dorëzuar deputetëve dhe propozohet të miratohet pas procedurës së shkurtuar.
Kryeministri Dimitar Kovaçevski, dje vendosi se ligji nuk vlen për individë, por për veprime të përmasave më të vogla me qëllim të relaksimit të objekteve të mbi populluara, dhe opozita mbetet e mendimit se ligji i mbulon “kriminelët famëkeq”.