Versioni i ri i Covid – i njohur si ‘Pirola’ – është zbuluar në Zvicër, me numrin e rasteve që pritet të rritet në muajt në vijim, përcjell albinfo.ch.
Duket se nuk u përgjigjet imuniteteve të ofruara nga vaksinat ose infeksionet e mëparshme.
Nuk ka të dhëna zyrtare për numrin e rasteve në Zvicër, sepse nuk ka kërkesë për testim, por ngarkesa virale e gjetur në ujërat e zeza tregon se shifrat janë në rritje.
Megjithatë, nuk ka arsye për shqetësim, të paktën për momentin, sipas epidemiologut François Balloux.
“Edhe në rastin më të keq, nëse BA.2.86 shkakton një valë të re të madhe, ne nuk presim sëmundje serioze dhe vdekje të krahasueshme me ato në fillim të pandemisë”, tha ai.