44-vjeçari me iniciale J.S. ka gjetur vdekjen në liqenin e Ohrit.
Policia bën me dije se dyshohet se viktima nga Shkupi i Maqedonisë së Veriut, në momentin që është futur për t’u larë në liqenin e Ohrit ka ndërruar jetë.
Sipas informacioneve paraprake, dyshohet se 44-vjeçari mund të ketë ndërruar jetë si pasojë e arrestit kardiak. Nga kqyrja paraprake e trupit të viktimës, nuk u konstatuan shenja dhune.
Ngjarja ka ndodhur rreth orës 18:00 të ditës së sotme në fshatin Udënisht, Pogradec në liqenin e Ohrit.
Grupi hetimor po punon për zbardhjen e plotë të rrethanave dhe përcaktimin e shkakut të humbjes së jetës.