Ajo që u diskutua në Këshillin Ekonomik është që të ulen pagat e zyrtarëve. Por duhet të jetë e qartë se zyrtarët nuk i kanë rritur pagat vetë, por Gjykata Kushtetuese, thotë ministrja e Punës dhe Punës Sociale, Jovanka Trençevska, në emisionin “24 Analizë” në Tv 24.
– Duhet të respektohen vendimet e Gjykatës Kushtetuese. Deri tani kemi marrë një pagë të rritur. Do të gjejmë zgjidhje për këtë situatë dhe do të jetë zgjidhje për të gjithë punëtorët, përfshirë edhe zyrtarët, dhe do të jetë zgjidhje sistematike, thotë ministrja Trençevska.
Profesor Llazar Joveski komentoi se është joetike që punëtorët të kenë rritje të pagave deri në vitin 2028, ndërsa zyrtarët tashmë kanë rritje të pagave. – Revolta e të gjithë të punësuarve është e madhe, ndërsa punëtorët e tjerë ndihen të poshtëruar, thotë profesori, i cili shtoi se një profesor ka rrogë prej 30 mijë denarë, e cila radhazi rritet minimalisht.
“Ne si Qeveri jemi në disponim që të bisedojmë dhe të negociojmë me punëtorët për pagat”, thotë Trençevska.
Sipas profesor Joveskit, ky problem, i cili shkaktoi revoltë në opinion, duhet të zgjidhet me ligj me flamur evropian. Ai tregon shembullin e Suedisë, ku raporti mes pagës më të ulët dhe më të lartë është 1 me 5, dhe paga minimale në Suedi është 2150 euro.