Tetë persona rezultojnë të zhdukur në Itali, pas rrëshqitjes së dheut që përfshiu ishullin Ischia në rajonin e Napolit.
Mes të zhdukurve është një familje me tre anëtarë me një foshnjë të porsalindur dhe një 25-vjeçare.
Pritet që numri i të zhdukurve të rritet, pasi dëmet në banesa nga përmbytjet nuk janë të pakta.
Shumë banorë të ishullit nuk mund të dalin nga shtëpitë e tyre dhe pak më parë është evakuuar një hotel, me tridhjetë turistë.
Për shkak të motit të keq dhe shirave të furishme në zonë ka edhe ndërprerje të energjisë elektrike./euronews.al/