Kryeministri Zoran Zaev ka njoftuar të dhënat e fundit për procesin e vaksinimit në vend.
Ka shtuar, se këtë e bën që t’i motivojë qytetarët për t’u vaksinuar, pasi siç tha, vetëm në këtë mënyrë do ta fitojmë Covid-19.
“Dua t’i motivoj qytetarët për vaksinimin, pasi besoni, si në botë edhe te ne vetëm nëpërmjet vaksinimit mund të kthehemi në normalitet dhe ta fitojmë këtë pandemi”, thaZaev, transmeton TV21.
Ndërkaq, në pikat e vaksinimit dhe në terren, përfshirë ditën e djeshme, janë vaksinuar gjithsej 624.819 qytetarë. Dozën e parë të vaksinës dje e kanë pranuar 11.925 qytetarë, kurse dje gjithsej janë vaksinuar 16.955 qytetarë. Në shtet janë aplikuar gjithsej 1.115.988 doza të vaksinës, kurse janë rivaksinuar 491.169 qytetarë.