Me rastin e 20 vjetorit të fillimit të luftës së Ushtrisë Çlirimtare Kombëtare sot u organizuan aktivitete përkujtimore me qëllim nderimin dhe përkujtimin e të rënëve të parë të luftës së UÇK-së në Republikën e Maqedonisë së Veriut.
Në këtë 20 vjetor të fillimit të luftës së UÇK-së në Maqedoni të Veriut, ish luftëtarë dhe veprimtarë të shumtë vendosën kurora me lule në shenjë respekti pranë SHQIPONJËS dy krenare, përmendores së UÇK-së në Çair.
Në mesin e këtyre veprimtarëve që sot përkujtuan 20 vjetorin e fillimit të luftës së UÇK-së ishte edhe zëvendësministri aktual i Punëve të Brendshme, Nazim Bushi.
Lufta e Ushtrisë Çlirimtare Kombëtare ishte luftë për barazi dhe drejtësi për shqiptarët e Republikës së Maqedonisë së Veriut. Krisma e parë u dëgjua më 16 Shkurt të vitit 2001 në Tanushë të Shkupit dhe anën e Karadakut.
