Një aparat i ri, gastro-kolonoskop, mjaft i vlefshëm për shërbimin e repartit të Gastro-Hepatologjisë, tashmë është bërë pjesë e Spitalit të Strugës.
Ky lloj aparati, sipas drejtorit të Spitalit të Strugës, Muhamed Asani përbën fjalën e fundit të teknologjisë mjekësore për sa i përket cilësisë së tij, futet për herë të parë në institucionet shëndetësore në vend. Pacientët e Strugës e më gjerë do të kenë mundësinë të marrin shërbimin më të mirë, duke u kuruar me metoda bashkëkohore nënvizon ai.