Kryeministri i vendit, Zoran Zaev me rastin e 11 Tetorit – Ditës së kryengritjes popullore, në memorialin në Kumanovë tha se ashtu sikur pasardhësit që luftuan për liri, vendi sot po lufton me pandeminë, për të cilën i pari i ekzekutivit kërkoi bashkëpunim dhe mirëkuptim nga qytetarët.
“Botën po e pret një vjeshtë e paqartë, në të cilën do të përballemi me shumë sfida, lufta me pandeminë vazhdon dhe po intensifikohet. Këtë duhet ta kemi mision të parë çdo ditë derisa ta fitojmë edhe këtë luftë me këtë armik të padukshëm. Por si bota edhe ne do të përballemi me këtë vetëm nëse bashkëpunojmë dhe nëse i respektojmë masat, pikërisht nga ky vend i revolucionit dhe përpjekjes për liri dua të dërgoj mesazh për të gjithë, kjo është beteja jonë e sotme, kemi armik të padukshëm me të cilin presim të luftojmë së bashku, institucionet dhe qytetarët”, tha mes tjerash Zaev .