Procedura për dërgimin në burg të Gordana Jankulloskës në INP Idrizovë ishte në bazë të urdhërit të gjykatësit për zbatimin e sanksioneve, bazuar në vendimin e dhënë nga Gjykata supreme, njoftoi sonte ministri i Punëve të Brendshme Oliver Spasovski në “TV 24”.
Ai theksoi se urdhri i lëshuar nga gjykatësi për zbatimin e sanksioneve ishte ndalim i menjëhershëm i personit, i cili do të vuajë dënim me burg dhe bazuar në atë urdhër, theksoi ai, kështu është vepruar.
“Nga aspekti njerëzor, mbetet hapësirë e caktuar, kështu që nuk u arrestua menjëherë pas zbatimit të aktit, është lënë rreth gjysmë ore për të përgatitur dhe vepruar sipas urdhrit, ky ishte urdhri i Gjykatës dhe kështu u veprua”, tha Spasovski.
Ai sqaroi se akti i referimit që ishte lëshuar më herët është aktivizuar, dhe mbi të cilin kanë kaluar të gjitha afatet për mjete juridike, kanë filluar procedurat, janë filluar procedurat në lidhje me atë pjesë, vendosi Gjykata supreme e Republikës të Maqedonisë së Veriut dhe dje vetëm është marrë urdhri për zbatim.
Duke marrë parasysh se shtëpia e Jankulloskës ndodhet ngjitur me MPB-në, Spasovski njoftoi se ata kishin forca për të vëzhguar gjithçka me qëllim, ai nënvizoi, të mos vinte në situatë tjetër për të braktisur vendbanimin, përkatësisht territorin e qytetit të Shkupit, sepse në një rast tjetër ekziston masë e tillë e sigurisë.
“Ne kemi pasur urdhra të bazuar në Ligj, në bazë të së cilës veprojnë zyrtarët e policisë. Në raste të tjera për të cilat janë dhënë masa specifike. Kjo është masë specifike që është lëshuar për të mos braktisur vendbanimin. Bazuar në Ligjin për procedurën penale dhe bazuar në Ligjin për policinë, ne mbajtëm mbikëqyrjen. Ne kemi pasur monitorim që po e kryejmë në bazë të Ligjit për policinë, por përmenda që për raste të tjera ekziston masë e vendosur nga gjykata që do të thotë ndalim i largimit nga territori i qytetit të Shkupit”, sqaroi ministri i Punëve të Brendshme.
Monitorimi, tha Spasovski, duhet të bëhet ekskluzivisht në bazë të ligjit dhe mbi bazë të vendimit të gjykatës.
Sipas tij, ligji duhet të zbatohet për të gjithë, ai theksoi se nuk ka profil të ulët ose të lartë, ligji duhet të zbatohet në mënyrë të barabartë për të gjithë, të gjitha procedurat duhet të jenë transparente, të jenë joselektive.
Spasovski deklaroi se monitorimi gjithmonë kryhet pas vlerësimit të policisë në bazë të Ligjit për policinë mbi urdhrin e lëshuar.
Gordana Jankulloska, dje u dërgua në INP Idrizovë, e dënuar me katër vjet burg për rastin “Tank”.