Popullsia botërore e gjitarëve, zogjve, amfibëve, zvarranikëve dhe peshqve janë tkurrur me një mesatare prej dy të tretat në më pak se gjysmë shekulli, sipas një raporti për gjendjen e planetit në vitin 2020 nga Organizata Botërore e Konservimit WWF, e cila kërkon që të merren masa urgjente.
WWF pretendon se kjo është kryesisht rezultat i shkatërrimit të mjedisit, i cili gjithashtu kontribuon në shfaqjen e sëmundjeve të tilla si pandemia COVID-19, kështu që ajo kërkonm masa urgjente për të ndryshuar trendin deri në vitin 2030 duke ndaluar shkatërrimin e habitateve natyrore dhe duke reformuar sistemin ushqimor.
Raporti Planetar është një studim gjithëpërfshirës i gjendjes së natyrës përmes Indeksit të Planetit të Gjallë (LPI), i cili monitoron gjendjen e popullatës së specieve të egra.
“Ndërsa këta drejtues përfshijnë shndërrimin e tokës dhe tregtinë e kafshëve të egra, shkaku kryesor i rënies dramatike të popullsisë është humbja dhe degradimi i habitateve, duke përfshirë shpyllëzimet, të gjitha për shkak të modeleve të prodhimit të ushqimit,” argumenton WWF.
Raporti mbi gjendjen e planetit në vitin 2020 tregon se shkatërrimi i përshpejtuar i natyrës, si rezultat i veprimtarive njerëzore, ka ndikime katastrofike jo vetëm në popullatat e botës së egër, por edhe në shëndetin e njeriut dhe të gjitha aspektet e tjera të jetës njerëzore, thotë Drejtori i Përgjithshëm i WWF, Marco Lambertini.
Më e rrezikuar është larmia biologjike e ekosistemeve të ujërave të ëmbla. Që nga viti 1970, popullatat e specieve të ujërave të ëmbla është ulur me 84 përqind, më shumë sesa ato që jetojnë në pyje ose oqeane. Lumenjtë në botë janë të mbipopulluar me infrastrukturë ekzistuese dhe të planifikuar, konsumi i ujit po rritet nga viti në vit, zonat e peshkimit të ujërave të ëmbla janë mbipeshkuar dhe jeta e miliona njerëzve po bëhet gjithnjë e më e pasigurt, thotë WWF.
Raporti mbi gjendjen e planetit në vitin 2020 u botua disa ditë para sesionit të 75-të të Asamblesë së Përgjithshme të KB (UNGA), kur udhëheqësit botërorë pritet të rishikojnë progresin e bërë në arritjen e qëllimeve të zhvillimit të qëndrueshëm.
UNGA 2020 do të bashkojë udhëheqësit botërorë, korporatat dhe shoqërinë civile për të zhvilluar një kornizë për veprim pas vitit 2020, duke shënuar një moment historik në vendosjen e bazave për marrëveshjen e re të nevojshme urgjente për natyrën dhe njerëzit.