Policit i gjendet drogë në zyrën e tij të punës, i ngritet padi penale 
Testi i drogës duhet tu bëhet urgjentisht të gjithë policëve, mjekëve, deputetëve, drejtorëve të ndërmarrjeve publike, politikanëve në ekzekutiv, gjyqtarëve e prokurorëve se vallahi bilahi gjendja është alarmante, hundët n’hall tu e thith të bardhën 
Departamenti për kontrollin e brendshëm, hetimet kriminalistike dhe standardet profesionale pranë Ministrisë së Punëve të Brendshme ka dorëzuar pasi penale ndaj A.M., një punonjës policie në SP Ohër të SPB Ohri, për shkak të dyshimeve se ka kryer veprën penale “prodhim i paautorizuar dhe lëshim në qarkullim të drogës narkotike, substancave psikotrope dhe përbërësve”, sipas nenit 215, paragrafi 1 i Kodit Penal.
Në periudhën kur punonjësi i policisë A.M. ishte i caktuar për punë dhe kryente detyra në sigurimin e vilës Beli (ish-vila Maqedonia), pronë e Ministrisë së Punëve të Brendshme, nga punonjësit e Departamentit për kontrollin e brendshëm, hetimet kriminalistike dhe standardet profesionale, u krye një kontroll mbi A.M. dhe dhomën e tij të punës – shtëpinë e rojes. Gjatë kontrollit, në tryezën e punës u gjet një lugë metalike që kishte një substancë pluhur të bardhë, një servetë e pambukshme që përmbante një substancë të bardhë pluhur dhe një shishe plastike e vogël me një lëng të paidentifikuar, me një tub të improvizuar nga një banknotë 10 denarë, e mbyllur me folinë alumini në gojën e shishes, ku kishte mbetje të një substance të paidentifikuar.
Punonjësit e Departamentit për kontrollin e brendshëm, hetimet kriminalistike dhe standardet profesionale e informuan A.M. për nevojën e kryerjes së një testi për praninë e metabolitëve të substancave narkotike në urinë në Institutin e Mjekësisë Ligjore në Shkup. Nga ana e një mjeku të Shërbimit të Ndihmës Urgjente në Ohër, u konstatua se A.M. ishte në gjendje të mirë shëndetësore dhe mund të udhëtonte për në Shkup, por ai refuzoi të bashkëpunonte me punonjësit e Departamentit dhe të kalonte në testimin e kërkuar.
Kundër A.M., nga Departamenti për kontrollin e brendshëm, hetimet kriminalistike dhe standardet profesionale, është nisur një procedurë disiplinore dhe është vendosur masa detyruese për largim nga vendi i punës – pezullim nga puna.