Dy ditë para festës së Bajramit, familja Alii nga Haraçina e Shkupit mbeti pa kulm mbi kokë.
Pas zjarrit që ka shpërthyer në çatinë e njërës prej shtëpive, flaka ka kapluar që të dy çatitë dhe me këtë kjo familje 11 anëtarëshe ka humbur gjithçka. Shkrumb e hi, kështu duket çatia e shtëpive të familjes Alii.
Gjurmët e zjarrit të djeshëm shihen edhe në fytyrën e kryefamiljarit, Reshat Alii, i cili me dridhje zëri tregon momentin se si është zgjuar nga gjumi nga britmat e të birit që të dalin jashtë dhe të shpëtojnë kokën.
Njëra nga nuset e axhës Reshat, Mevludja është ajo që e ka dëgjuar shpërthimin e zjarrit. Me lot në sy tregon se si është munduar që të zgjojë të gjithë nga gjumi dhe përpjekjen e saj që të shuaj zjarrin. Ajo tregon se në çati ajo ka ruajtur gjithçka, ndërsa teshat e vetme që kanë ngelur janë ato që i mba në trup.
Edhe te axha Reshat, por edhe te zonja Mevlude mbizotëron durimi, që të dy thonë falë Zotit që të gjithë jemi shëndosh, dëm ka po do ia bëjmë disi.
Kjo familje nga të gjithë njerëzit human kërkon që tu ndihmojnë që ta mbulojnë çatinë e shtëpive, ndërsa për pjesën tjetër do të punojnë vetë dhe do ta rregullojnë.
Këtë festë të Bajramit, kjo familje nuk do të mundet ta presë në shtëpinë e tyre për shkak të dëmit të madh nga zjarri që ka kapluar çatinë e shtëpive dje në mëngjes. Të gjithë ata që duan ta ndihmojnë këtë familje, mund t’i kontaktojnë drejtpërdrejtë në numrat e telefonit që po i shihni në ekran.
071800896
SinanAlii
070533193
Mevlude Alii