Kryetari I Lidhjes së Sindikatave të Maqedonisë, Slododan Trendafilov, ka paralajmëruar protesta më 2 prill në Shkup. Protestat vijnë pasi Qeveri të martën miratoi vendimin për rritjen e pagës minimale për 1.800 denarë, që nga LSM-ja vlerësohet si e jashtëligjshme.
Protesta do të nis në orën 12:05, me simbolikën se koha e punëtorëve qëmoti ka skaduar.
LSM-ja kërkon paga funksionarësh, rritje prej 12.6% neto ose 12.9 bruto.
Kanë reaguar nga VMRO-DPMNE-ja. Sipas tyre, në bazë të njoftimeve që I posedojnë nga informatorët brenda Lidhjes së Sindikatave, liderët e sindikatës, Slobodan Trendafilov dhe Trpe Deanoski e ka shndërruar këtë sindikatë në bankën e tyre private.
BRANE PETRUSHEVSKI – VMRO DPMNE
“Informacionet flasin se Deanovski vitin e kaluar dhe në dy muajt e parë të këtij viti ka marrë gjithsejt 1.8 milion denarë apo 30.000 euro, kurse juve ju gënjen për pagën minimale. Këto janë sindikalistët me bateri të Slobodan Trendafilovit, të mbjellë në pozita nga LSDM-ja, që paguhen me shuma të majme për të ekzekutuar agjenda partiake”
Krerët e sindikatës kanë drejtuar akuza se parti politike dhe drejtorë partiak bëjnë presione mbi sindikatën dhe aktivistët. Sipas tyre, shfrytëzohen kërcënime, shantazhe dhe pezullime që të dobësohet ndikimi I Lidhjes së Sindikatës dhe të formohet një sindikatë tjetër në favor të pushtetit.