“Normalja e Elbasanit” u shndërrua në një vatër shumë të rëndësishme ku #GjuhaShqipe u përsos pa ndërprerje dhe u hodhën bazat e zhvillimit të metodave më bashkëkohore të arsimit e pedagogjisë.
Plot 111 vite më parë, më 1 dhjetor të vitit 1909, çeli dyert e saj “Shkolla Normale e Elbasanit”, e para shkollë e mesme në gjuhën shqipe që për dekada me radhë përgatiti me mijëra mësues të jashtëzakonshëm, të cilët kanë dhënë kontribut të pazëvendësueshëm në rritjen e vetëdijes kombëtare dhe arsimimin e brezave.