Shaban Murtishi ka arritur një sukses të jashtëzakonshëm në fushën e edukimit, duke përfunduar me notën maksimale (100%) studimet e tij për Master of Education in Curriculum and Instruction në Oklahoma Christian University, një nga kolegjet e njohura në Shtetet e Bashkuara të Amerikës.
Me një përvojë të pasur prej 8 vitesh në arsim, përfshirë 5 vite në Maqedoni dhe 3 vite si mësues i Shëndetit dhe Edukimit Fizik në North End Middle School, Shaban Murtishi vazhdon të kontribuojë me përkushtim në fushën e arsimit. Gjatë këtij rrugëtimi akademik, ai ka pasur mbështetjen e kolegëve të tij në North End Middle School, të cilët luajtën një rol të rëndësishëm në sigurimin e materialeve dhe regjistrimeve për evidencën e klasave.
Ky sukses është një hap tjetër i rëndësishëm në karrierën e tij si edukator dhe një motivim i madh për të vijuar përkushtimin e tij në formimin e brezave të rinj. “Jam krenar për këtë arritje dhe mirënjohës për të gjithë ata që më mbështetën në këtë rrugëtim,” shprehet ai.
Me këtë diplomë të rëndësishme dhe përvojën e tij të pasur, Shaban Murtishi vazhdon të jetë një shembull i përkushtimit dhe suksesit në fushën e edukimit.