Të hënën do të zhvillojmë ndeshjen e katërt në kuadër të fazës përgatitore në Antalya të Turqisë. Këtë herë për kundërshtarë do të kemi skuadrën e FC Kyzhylzhar nga Kazakistani…
FC Kyzylzhar nga Kazakistani do të jetë kundërshtari ynë i rradhës në kuadër të përgatitjeve në Antalia të Turqisë. Është kjo ndeshja e katërt që do ta zhvillojmë në tokën turke, aty ku sot mbyllëm ditën e 8-të, të përgatitjeve në prag të stinorit pranveror.
FC Kyzylzhar është skuadër që garon në Premierligën e Kazakistanit, teksa në sezonin 2022/23 kishte luajtur në eliminatoret e Ligës së Konferencës.
Deri më tani ata kanë zhvilluar vetëm një takim në Antalia, edhe atë përballë skuadrës së Vojvodinës.
Kujtojmë, në tre ndeshjet e deritanishme kemi regjistruar një fitore, një barazim dhe një disfatë, ndërsa deri në mbyllje të fazës përgatitore do të zhvillojmë edhe një ndeshje tjetër kontrolluese përballë sllovakëve të MFK Z. Michalovce.
Ndeshja Struga Trim Lum – FC Kyzylzhar, do të zhvillohet nesër në “Miracle football complex” në Lara me filllim në ora 15:30 sipas kohës tonë lokale, ndërsa 17:30 me kohën në Turqi.