Qeveria e Maqedonisë së Veriut në një kumtesë për media thotë e për herë të parë pas shtatë vitesh, viti shkollor nis me dorëzimin në kohë të teksteve shkollore në të gjitha shkollat fillore në vend.
Prej atje thonë se arsimi i qasshëm për të gjithë është përcaktim thelbësor i tyre, përcjell Telegrafi Maqedoni.
“Në të njëjtën kohë, janë siguruar rreth 10 tituj të rinj në arsimin fillor dhe mbi 100 në arsimin e mesëm, të cilët nuk janë shtypur më parë. Ministria e Arsimit dhe Shkencës u dorëzoi të gjithë nxënësve 360,000 kopje të teksteve dhe materialeve mësimore të miratuara. Në vetëm dy muaj u arrit ajo që nuk u bë për 7 vjet”.
“Ajo që mbetet për t’u plotësuar është në arsimin fillor, ku do të ketë mungesë të teksteve të gjuhëve të huaja për të pestin vit radhazi nga klasa e parë deri në të nëntën për shkak se udhëheqja e mëparshme në Ministrinë e Arsimit dhe Shkencës anuloi procedurën e prokurimit publik. dhe ai vendim është në fazën e ankesës e cila është ende në vazhdim”.
“Tekstet shkollore për të gjithë janë dëshmi se në këtë mënyrë shteti dhe qeveria krijon për çdo individ”, thonë nga Qeveria.