Në deklaratën e kryeministrit Mickoski, të cilën e dha në Uashington, për huamarrjen e dakorduar prej 500 miliona eurove nga Hungaria, nuk ka arsyetim se cila është arsyeja që u përgjysmua shuma prej një miliard euro. Ai paraprakisht me të madhe e paralajmëronte këtë miliardë të cilën përveç komunave dhe bizneseve, gjysma tjetër duhej të ishte për investime. Intervistën e Mickoskit që Al Jazera e publikoi mbrëmë vonë, ndërsa dukshëm është incizuar para shkuarjes në SHBA, kryeministri shpjegon se si do të shpenzohen një miliardë euro.
D.m.th. 250 milionë euro do t’i jepen në dispozicion sektorit të biznesit nën kushtet e njëjta që janë shumë më konkurrente nga tregu. 250 milionë euro do të alokohen për investime kapitale nëpër komuna, në vitin 2025, dhe 500 milionët e mbetur do t’i shfrytëzojmë për kthimin e eurobondit i cili është marrë nga qeveria paraprake në kohë të Kovid pandemisë nën kushte tepër të rënda, tha Hristian Mickoski, kryeministër.
Por Mickoski nga Uashingtoni, pas dakordimit të marrëveshjes me kryeministrin Hungarez, Viktor Orban, tha se gjysmë miliard euro do të destinohen për sektorin e biznesit dhe komunat. Por, për eurobondin, i cili në fakt arrin për pagesë më 25 janar të vitit të ardhshëm, në mënyrë praktike dhe nuk do të ketë para. Mickoski nuk dha detaje nëse me marrëveshjen për bashkëpunim ekonomik special me Hungarinë, Qeveria deri në fund të vitit do të marrë edhe gjysmë miliarda euro për të paguar eurobondin.
Për huamarrjen u prononcua edhe kryetari i ri i LSDM-së, Venko Filipçe, i cili marrëveshjen e cilësoi si të dëmshme dhe e vendos shtetin nën robëri të Hungarisë.
Kjo kredi e cila dukshëm është dakorduar në katër sy, kredi prej 500 milionë euro nga Hungaria, hapë shumë pyetje, ndërsa më e rëndësishme nga të gjitha është – Në çfarë drejtimi do të lëvizë shteti në periudhën e ardhshme. Nga aspekti ekonomik nëse shihet, kjo kredi fare nuk është e volitshme. Qeveria e LSDM-së, në periudhën e kaluar i dha kredi ekonomisë në vlerë prej 250 miliona eurove përmes Bankës europiane për zhvillim dhe ajo kredi ishte me shkallë interesi prej 1,6%, në krahasim me këtë që tani ofrohet me shkallë interesi prej mbi 3%, tha Venko Filipçe, kryetar i LSDM-së.
Edhe ekspertët ekonomik vlerësojnë se me vetë atë që e paralajmëruan si një miliardë, e më pas doli gjysmë miliard, Qeveria në krye me Mickoskin punon në mënyrë impulsive. Ata vlerësojnë se nuk kanë plan konkret se si do të shpenzohen parat për komunat, ndërsa pjesa e destinuar për sektorin e biznesit është e panevojshme, për shkak se kompanitë ashtu ashtu nuk duan të hyjnë në borxhe.