Rreth 63% e qytetarëve të Maqedonisë së Veriut dëshirojnë që vendi të mbetet anëtare e NATO-s, kurse 64% janë të bindur se anëtarësimi në Aleancë ul rrezikun që vendi të sulmohet.
Kështu thuhet në Raportin vjetor të Sekretarit të Përgjithshëm të NATO-s, Jens Stoltenberg, për vitin 2023.
Nëse votohet “për” ose “kundër” anëtarësimit në NATO, 24% e qytetarëve do të përcaktoheshin që vendi të largohet nga Aleanca. Po kaq janë edhe të përmbajtur.
Sikurse në vitin 2022, në nivel global, 82% e qytetarëve besojnë se është e rëndësishme bashkëpunimi për cështje të sigurisë Amerikë – Evropë.
Në këtë Raport thuhet se Maqedonia e Veriut është një nga 18-të vendet që nga ky vit përmbushin kriteret e NATO-s për të ndarë 2% të BPV-së për mbrojtjen.
Sipas Ministrisë së Mbrojtjes, nga viti 2024 ndahen 2.05% ose 327 milion euro për buxhetin e mbrojtjes së vendit.