Presidenti Stevo Pendarovski sot u takua me ambasadoren amerikane, Angela Aggeler, me të cilën bisedoi për zhvillimet politike në vend pas formimit të qeverisë kalimtare dhe në prag të procesit zgjedhor, si dhe për zhvillimin e përgjithshëm të marrëdhënieve bilaterale ndërmjet dy vendet.
“Në takim, presidenti Pendarovski theksoi se Maqedonia e Veriut vazhdimisht i kushton vëmendje të veçantë zhvillimit të marrëdhënieve miqësore dhe bashkëpunimit bilateral me SHBA-të, ndërsa u theksua se dialogu aktual strategjik është një mundësi për të konkretizuar bashkëpunimin tonë në të gjitha sferat e interesit reciprok”.
“Presidenti Pendarovski theksoi rëndësinë e mbështetjes amerikane për vazhdimin dhe intensifikimin e procesit reformues në kuadër të realizimit të aspiratave evropiane të shtetit”, njoftuan nga zyra e Pendarovskit.