Kryeministri i Shqipërisë, Edi Rama ka përgezuar kryeministrin e parë shqiptar, Talat Xhaferin dhe kryetarin e BDI-së, Ali Ahmetin për këtë siç e duan ai arritje historike.
Rama përmes një postimi në rrjetin social X shkruan se politika vizionare e Ahmetit është një leksion historik për të gjithë, madje dhe për brezat që po vijnë.
Statusi i plotë:
Ali Ahmetit mund t’i bëhen kritika plot brenda vendit, sepse është e drejta dhe detyra e kujtdo që është në opozitë të kërkojë më shumë nga kushdo që është në pushtet… Por çka ka bërë Ali Ahmeti me pushtetin për përparimin e të drejtave të shqiptarëve në shtetin fqinj, e për afirmimin e tyre si qytetarë të barabartë të Republikës së Maqedonisë së Veriut është një leksion historik për të gjithë ne dhe brezat që vijnë! E duke parë foton bashkëngjitur të një tjetër arritjeje historike të lidershipit të Ali Ahmetit, m’u kujtua fjala e mençur e një politikani të madh, “Djemtë e duan pushtetin për t’u njohur nga të tjerët, kurse burrat për të bërë për të tjerët”; kjo do të ishte diçiturë perfekte për këtë foto.