Një 19-vjeçar nga Kosova nuk ka mundur tu mbijetojë plagëve të marra nga thika gjatë mbrëmjes së djeshme në pikën kufitare mes Serbisë dhe Kroacisë, më saktësisht në fshatin Batrovc, raporton mediumi serb “Blic”.
19-vjeçari nga Kosova ishte me një shok të tij gjatë kohës kur u sulmuan nga një emigrant, që dyshohet të jetë nga Afganistani.
Shoku i tij arriti të ikte nga sulmuesit, por 19-vjeçari pësoi lëndime të rënda nga thika dhe nuk u bëri ballë plagëve. I mbijetuari arriti ta identifikonte sulmuesin.
Policia ka thënë se është duke punuar intensivisht për zbardhjen e vrasjes dhe janë në kërkim të autorëve.
Sulmi ndaj tyre ndodhi rreth 2 minuta larg nga pika kufitare.