Zëvendëskryeministri i parë, Artan Grubi tha se të gjitha akuzat për korrupsion në projektin e Korridorit 8 dhe 10D janë të pabaza dhe bëhen për pikë politike. Grubi tha se në rast se vërtetohet çfarëdo veprimi i politikanëve për korrupsion në këtë projekt, atëherë të njëjtit të dergjen burgjeve.
“As unë, as Boçvarski, as Besimi, e aq më pak kryeministri Kovaçevski nuk do i lejonim vetvetes që të lëshohemi në çfarëdo veprimi korruptiv. Të gjithë ne këtë e kemi projekt të jetës sonë dhe duam që të jetë i suksesshëm. Nëse një denarë keqpërdoret nga ky projekt, nga qytetarët. Ose nëse korruptohet cilido prej nesh, politikanëve, të dergjemi përjetësisht në burg”, deklaroi Grubi.