Enes Ajrushi i artë në Shkup!
Klubi i Karatesë “Drini” nga Struga, këtë vikend ishte pjesëmarrës në dy aktivitte ndërkombëtare të karatesë.
Ditën e shtunë në Shkup, u zhvillua Turneu Ndërkombëtar “Funakoshi Gichin 2023”, ku morën pjesë klube nga Kosova, Serbia dhe Maqedonia e Veriut.
K. K “Drini” u paraqit me katër sportistë, duke fituar po aq medalje, nga të cilat një medalje ari, të cilën e fitoi Enes Ajrush, në kategorinë -57 kg kadet, ndërsa me medalje të bronztë u stolisën: Jara Nasufi, Azra Zylali dhe Drini Hajredini.
Ditën e diel, në kryeqytetin e Kosovës, në Prishtinë u zhvillua Turneu Ndërkombëtar “Fushe Kosova Open”, ku morën pjesë rreth 600 sportistë, nga Shqipëria, Kosova, Maqedonia e Veriut, Mali i zi.
Klubi i Karatesë “Drini” fitoi dy madalje të bronzta në kategoritë e seniorëve.
Loriana Ramo -61kg dhe Hamza Zylali -84kg.
Paraqitje të mirë bënë edhe Azra Zylali, Enes Ajrush dhe Drini Hajredini.
