Pas disa ditë kërkimesh është gjetur trupi i turistit bullgar Plamen Hristov, i cili ishte zhdukur para një jave. Trupi i pajetë është gjetur nën majën Vihren në malin Pirin të Bullgarisë, ndërsa pranë tij është gjetur edhe një trup tjetër i një burri, i cili nuk është identifikuar, por supozohet se është shtetas i Maqedonisë së Veriut, sepse si ai janë gjetur denarë të Maqedonisë së Veriut.
Informacionin e publikoi botimi elektronik “24 çasa”. Policia po kontrollon hotelet në Bansko dhe Sandanski. Asnjë burrë nga zona nuk është raportuar i humbur në policinë lokale.
MIA e kontaktoi Ministrinë e Punëve të Jashtme të Maqedonisë së Veriut, por nga atje na informuan se tani për tani nuk kanë informacion për shtetas të vdekur nga Maqedonia e Veriut në Bullgari.