Vëzhguesit e yjeve u shërbyen me një pamje mahnitëse dhe jo shumë të zakonshme – atë të “Hënës së Përgjakshme”.
Gjatë mëngjesit së të hënës, pak pas orës 05:30 sipas kohës evropiane, orbita e Tokës e pozicionoi planetin direkt në mes Hënës dhe Diellit, përcjell Telegrafi.
Një hënë e plotë ngrihet mbi ikonën Haghia Sophia në Stamboll, Turqi, herët të hënën, 16 maj 2022.
Gjatë asaj kohe, Hëna plotësisht ra nën hijen e Tokës, duke e kthyer Hënën përkohësisht në një ngjyrë me hije të errët dhe të kuqërremtë, ngjyrë kjo e cila u krijua nga drita e diellit e cila u përthye në sipërfaqen e Hënës përmes atmosferës së Tokës.
Një eklips hënor shihet pas një çiklisti, në Irwindale, Kaliforni, e diel, 15 maj 2022.
Kështu, eklipsi hënor përkoi me një tjetër ngjarje, me atë të “Super Hënës” – ngjarje e cila ndodh kur Hëna është në pikën e saj më të afërt me orbitën e Tokës dhe kjo e bënë atë që të duket më e madhe se zakonisht.
Hëna gjatë një eklipsi mbi Kalanë Salgo siç shihet nga Salgotarjan, Hungari, herët të hënën, 16 maj 2022
Në Evropë, ky fenomen mund të shihej vetëm nga një numër i vogël vendesh për shkak se ishte koha kur Hëna filloi të perëndonte, por që në qiejt e pastër të Amerikës Jugore dhe Veriore ky fenomen e ofroi super pamjen e tij.
Hëna shihet gjatë një eklipsi total hënor në Shkup, më 16 maj 2022
“Ti mund të shikosh të gjitha lindjet dhe perëndimet e diellit që ndodhin në Tokë gjatë gjithë kohës, dhe e gjithë drita e këtyre fenomeneve natyrore do të reflektohet në Hënë”, shpjegoi para këtij fenomeni Dr. Gregory Brown, astronom i Observatorit Mbretëror të Greenwich-it në Londër.
“Nëse do të ishe një astronaut dhe do ishe në Hënë gjatë kohës së eklipsit hënor, do mund ta shihje një aurë të kuqe që shtrihet në rrethin e jashtëm të planetit tonë”, shton tutje ai për BBC-në.