Niveli i ujit të liqenit të Ohrit është ulur për dy centimetra, ndërsa dy liqenet e tjerë natyrorë në vend janë të njëjtin nivel si dje.
Sipas rezultateve të matjeve të fundit të bëra nga Administrata për Punë Hidrometeorologjike (APH), niveli i ujit në Liqenin e Ohrit është shtatë centimetra më i ulët se mesatarja e muajit maj.
Niveli i Liqenit të Prespës është më i ulët se mesatarja për 1,79 metra, ndërsa liqeni i Dojranit është 2,71 metra më i lartë se mesatarja shumëvjeçare për këtë periudhë të vitit.
Nivelet e ujit të shumicës së lumenjve në vend janë më të ulëta se mesatarja dhe thuajse të gjithë shfaqin ulje të nivelit në krahasim me ditën e djeshme.
Përjashtim bën lumi Drini i Zi, në pikën matëse afër Lozhanit, ku niveli i ujit është një centimetër më i lartë se dje, dhe i njëjtë me ditën e djeshme është niveli i lumit Babuna në pikën matëse afër Bogomillës.