Presidenti i Ukrainës, Zelensky, tha se ukrainasit janë të gatshëm të luftojnë për aq kohë sa të jetë e nevojshme dhe se pushtuesit rusë nuk do të mund të mundin kurrë popullin e tyre.
Ai përshëndeti propozimet e Turqisë dhe Azerbajxhanit për bisedimet e paqes me Rusinë dhe veçoi bisedën e tij me kryeministrin italian Mario Draghi si kyç për marrëveshjet për mbështetje më të madhe ndërkombëtare për Ukrainën.
“Ne do të luftojmë për aq kohë sa duhet për të çliruar vendin,” tha Zelenski në një video-mesazh të shkurtër, duke shtuar se vendi i tij aktualisht ka mungesë të naftës dhe produkteve të naftës.
Zelenski përshëndeti hapat e ndërmarra për të përjashtuar Rusinë nga “qytetërimi financiar global”.
“Diplomatët tanë kanë punuar ditë e natë për të frymëzuar të gjitha vendet evropiane që të bien dakord për një vendim të fortë dhe të drejtë për të përjashtuar Rusinë nga rrjeti ndërkombëtar ndërbankar. Dhe ne e kemi këtë fitore. Këto janë miliarda e miliarda humbje për Rusinë – një çmim i prekshëm për këtë pushtim të poshtër të vendit tonë. Ukraina ka fituar vëmendjen e të gjithë botës së qytetëruar. Dhe rezultati praktik? Këtu është – SWIFT. “Përjashtim nga qytetërimi financiar global”, tha Zelenski.
Presidenti turk Rexhep Tajip Erdogan tha në një bisedë telefonike me Zelenskin se Ankaraja po bën përpjekje për një armëpushim të menjëhershëm.
Një deklaratë nga Presidenca turke tha se Erdogan shprehu gjithashtu ngushëllime për ukrainasit e vrarë në pushtimin rus.
Italia do të mbështesë Bashkimin Evropian në vendosjen e sanksioneve ndaj Rusisë në përgjigje të pushtimit të Ukrainës nga Moska, duke përfshirë masat për sistemin global të pagesave SWIFT, tha zyra e kryeministrit Mario Draghi.
Dragi foli sot në telefon me presidentin ukrainas Volodymyr Zelensky, “duke përsëritur se Italia do të mbështesë plotësisht Bashkimin Evropian në sanksionet e tij kundër Rusisë, përfshirë SFIVT”, thuhet në deklaratë.