Sonte më 19.10.2021 në xhaminë Halveti Teke në Strugë, myftinia e Strugës manifestoi Mevludin – Ditëlindjen e Muhamedit a.s.
Programi i moderuar nga shefi i kabinetit pranë myftinisë, Shefit ef. Ajredini, filloi me leximin e disa ajeteve kuranore nga hfz. Ariton Zeqiri. Pastaj u lexuan ilahi në gjuhën shqipe, boshnjake dhe turke nga imamët Fatjon ef Shemshedini, Xheladin ef. Maksutovski dhe kori i xhamisë Halveti Teke, në krye me imamin Ilhan ef. Sheh. Pas këtyre çasteve të këndshme me ilahi, moderatori fjalën ia dha myftiut të Strugës Mr. Salim ef. Sulejmani i cili në mesazhin e tij u ndal tek ajeti i Kuranit: “Ne të kemi dërguar mëshirë për mbarë botrat.”
Pas mesazhit të myftiut, programi u zbukurua edhe me këndimin e mevludit nga Ajdën Mante, Sezair Saloski dhe Fatjon ef. Shemshedini. Programi u mbyll me një ashere nga imami i fshatit Frëngovë, Jusuf ef. Ismaili.
Pas manifestimit imami i xhamisë Ilhan ef. Sheh, i gostiti mysafirët.
