Presidenti, Stevo Pendarovski, ka nënshkruar dekretin për shpalljen e Ligjit për përcaktimin e interesit publik dhe nominimin e partnerit strategjike për zbatimin e projektit për ndërtimin e korridorit 8 dhe korridorit 10.
“Ligji është miratuar me shumicën e nevojshme, me çka asnjë deputet apo grup parlamentar nuk ka votuar kundër. Të gjitha institucionet dhe individët që kanë dyshime në lidhje me kushtetueshmërinë e Ligjit, mund të drejtohen në Gjykatën Kushtetuese, e cila është institucioni i vetëm kompetent për vlerësim të kushtetueshmërisë së ligjeve dhe akteve të tjera të përgjithshme”,- thuhet në kumtesën e dërguar nga kabineti i presidentit.
Ivanovska: Ligji pezullon sistemin juridik
Miratimi i ligjit sipas KSHPK-së përbën një faktor të lartë të rrezikut për korrupsion dhe konflikt me interes dhe në thelb pezullon sistemin juridik. Duke shprehur mendimin e KSHPK-së, Biljana Ivanovska, tha ligji i miratuar dhe zbatimi i dispozitave të ligjit në praktikë nënkupton shkelje të parimeve mbi të cilat bazohet lufta kundër korrupsionit dhe konfliktit të interesit.