🟥⬜️ Struga Trim Lum ka shënuar fitore 3:1 në ndeshjen e javës së 25-të kundër Bellasicës. Pikërisht ndaj këtij kundërshtari kishim edhe fitoren e fundit (28 shkukrt), kur në Strumicë triumfonim me shifrat 2:1, ndërsa vlen të përmendet se është kjo fitorja e tretë në përgjithësi ndaj këtij kundërshtari këtë edicion.
🟥⬜️ Aleksandar Ristevsi paralajmëroi fitoren tonë me golin e shënuar në minutën e 18-të, kur përfitoi nga një devijim i portierit mysafir Vuliç.
🟥⬜️ Ky i fundit kapituloi edhe në minutën e 27-të, këtë herë falë super golit të shënuar me thembër nga ana e Klisman Cake, i cili këtë herë provoi stilin “alla Ibrahimoviç”.
🟥⬜️ Në pjesën e dytë të dyja skuadrat shënuan nga një gol, e për më tepër që të dy shin autogola. Fillimisht Antonio Kalanoski në minutën e 53-të shënoi në rrjetën e gabuar, ndërsa dy minuta para fundit të takimit, Besir Ramadani në tentativë për të pastruar një top para zonës sonë, goditi Cake në trup, me ç’rast topi përfundoi në rrjetë, për rezultat përfundimtarë, Struga Trim Lum 3, Bellasica 1.