Familjarët që humbën të afërmit e tyre në aksidentin e Llaskarcës dy vjet më parë, marshuan nga pika pagesore në Gostivar deri para objektit të Komunës, në shenjë nderimi për 16 personat që humbën jetën në këtë tragjedi. Marshuesit kërkuan nga Institucionet drejtësi për rastin ndërsa transportuesve u apeluan për kujdes me udhëtarët. Paraprakisht kreu i Gostivarit Arben Taravari bëri homazhe në Llaskarcë, ndërsa nga atje u shpreh i zhgënjyer me zvarritjen e procesit gjyqësor për këtë rast.