Në nivel global, rastet e reja të infektimit nga COVID-19 kanë rënë për të tretën javë rradhazi, tha sot kreu i OBSH-së, Tedros Adhanom Ghebreyesus, ndërsa theksoi që popujt të mos ulin vigjilencën.
“Sidoqoftë, ne jemi gjendur në këtë situatë edhe më parë, me vendet që janë rihapur dhe njerëzit që kanë ulur vigjilencën e tyre, duke bërë që virusi të rikthehet”, vuri në dukje Tedros .
Ai theksoi se është thelbësore që të vazhdohet të merren të gjitha masat e nevojshme për të ruajtur veten dhe të tjerët, ndërsa vazhdon programi i vaksinimit.