Pavarësisht shirave, gjë që me siguri do të përmirësojë situatën hidrologjike, pronarët e varkave dhe të mjeteve tjera lundruese për shkak të nivelit të reduktuar në mënyrë drastike të Liqenit të Ohrit, prej kohësh kanë pasur vështirësi në parkimin e mjeteve lundruese në portin e qytetit në Ohër, dhe përgjatë shëtitores së qytetit. Ata thonë se situata është alarmante dhe kërkojnë që shteti të marrë masa konkrete në mënyrë që të ndryshojë mënyrën e menaxhimit të liqenit.
“Niveli i liqenit është shumë i ulët. Nuk ka ujë të mjaftueshëm dhe ky është tashmë një shqetësim. Jo vetëm që nuk mund të parkojmë, por nëse hipin 4-5 vetë nuk mund të dalim. Problemi është shumë serioz. Apeloj të ndërmerren menjëherë disa masa, dhe jo vetëm të thonë se po e bëjnë këtë, apo atë. Asgjë nuk u bë këtu”.
“Në planin afatgjatë duhet të jemi të kujdesshëm, të mos lejojmë që natyra të jetë e kujdesshme. Është shumë cekët, kërkon shumë vëmendje. Nëse ka një valë, atëherë duhet të shkojmë në anën tjetër, të kërkojmë një vend ku është më thellë. Por, kjo nuk është mënyra, duhet pasur kujdes me rregullimin e liqenit”.
Ekspertët gjithashtu thonë se Liqeni i Ohrit nuk duhet të shihet vetëm si një rezervuar artificial për prodhimin e energjisë elektrike. Ata besojnë se duhet pasur kujdes për pasojat e tjera që mund të shkaktohen nga ulja e nivelit të ujit. Përgjatë shëtitores së qytetit, mund të vërehen për një kohë të gjatë ishuj të vegjël dhe pjesë të thata. Niveli i Liqenit të Ohrit sot sipas Termocentraleve të Maqedonisë është në nivelin 693.14, që është 61 centimetra më i ulët se lartësia maksimale, dhe vetëm 4 centimetra mbi lartësinë minimale, edhe pse deri para vetëm disa ditësh ishte 4 centimetra nën lartësinë minimale.
“Niveli i ujit ka rënë deri në një metër. Ne nuk mund të ndalemi. Mezi hyj, me të parën, pastaj me gaz, për tu parkuar. Dhe nëse hipin njerëz, nuk do të mund të dal”.
Nga Kapitaneria e portit të Ohër thonë se në pjesë të caktuara të vijës së bregut liqenit për shkak të nivelit të ulët të ujit të liqenit, nuk mund të manovrohet me objekte lundruese, veçanërisht në hyrje të kanalit Studençica dhe në portin e Shën Naumit. Ata presin që me buxhetin e ri të shtetit të thellohen portet në Ohër dhe Shën Naum, dhe këto probleme të kapërcehen edhe në nivele të ulëta uji. Për momentin, ka rreth pesëqind objekte më të vogla lundruese në Liqenin e Ohrit. Në verë ky numër është deri në tre herë më i lartë.