Gjermanët e Bayern Munich janë shpallur kampionët e Europës për edicionin 2019/2020. Bavarezët kanë mundur në finale e Champions League francezët e PSG. Pas një rrugëtimi të magjishëm, Bayern siguron trofeun e gjashtë të kampionëve.
Në këtë edicion Bayern shpartalloi skuadra si Chelsea dhe Barcelona me rezultate mjaft të thella. Përballë PSG-së bavarezëve u ka mjaftuar vetëm goli i Coman në minutën e 59’ të ndeshje. Sulmi më i mirë i gjermanëve ishte mbrojtja dhe një super Manuel Neuer me disa pritje fantastike.
Bayer kështu parakalon Barcelonën me 5 trofe të Champions dhe i afrohet italianëve të Milan të cilët numërojnë 7 trofe nga ky kompeticion. Edhe këpuca e artë i takon Byern me 15 golat e realizuar nga sulmuesi polak Lewandowski. Si rrallë herë më parë finalja e Champions League nuk pati tifozë në stadium për shkak të pandemisë, por një pritje e jashtëzakonshme me siguri është duke u përgatitur për kampionët e Bayern.