Është reduktuar avantazhi i Joe Biden-it ndaj Donald Trump-it në garën për Shtëpinë e Bardhë. Sipas një sondazhi të CNN-it, çifti Biden-Kamala Harris ka 50 për ind të mbështetjes, ndërsa ai Trump-Mike Pence 46 për qind. Një diferencë me 4 për qind, që koincidon pikërisht me marzhën e gabimit të sondazhit. CNN saktëson se avantazhi i Biden mbi Trump rritet, 53 për qind kundrejt 46 për qind, mes 72 për qind të votuesve që thonë se janë ekstremisht ose shumë entuziast për të shkuar në zgjedhje në vjeshtë. Ndërsa reduktohet mes zgjedhësve që jetojnë në shtetet që do të kenë edhe pasoja më të mëdha elektorale në nëntor. Ndërkohë, nis të hënën konventa demokratike, e para në histori që do të mbahet vetëm virtualisht. Konventa do të zgjasë deri më 24 gusht. Në të njëjtën ditë, presidenti amerikan do të flasë në katër shtete: Uiskons, Pensilvani, Minesota dhe Arizona. Konventa republikane ndërkohë do të mbahet nga 24 deri më 27 gusht.