Izraeli dhe Emiratet e Bashkuara Arabe kanë njoftuar se po vendosin marrëdhënie të plota diplomatike përmes një marrëveshje të ndërmjetësuar nga Presidenti amerikan Donald Trump.
Një deklaratë e përbashkët nga Shtetet e Bashkuara, Izraeli dhe Emiratet e Bashkuara Arabe të enjten tha se marrëveshja “do të përmirësojë paqen në Lindjen e Mesme” dhe se “dëshmitarë të diplomacisë dhe vizionit të guximshëm” janë tre udhëheqësit.
Por një zëdhënës për Presidentin palestinez Mahmoud Abbas tha që kjo ishte një “tradhëti” dhe se marrëveshja duhet të refuzohej.
Më poshtë janë pesë gjëra që duhet të dini për marrëveshjen Emirate-Izrael.
Normalizimi i marrëdhënieve
Me njoftimin e marrëveshjes, Emiratet e Bashkuara Arabe u bënë shteti i parë i Gjirit që normalizoi marrëdhëniet diplomatike me Izraelin. Pas Egjiptit dhe Jordanisë, ky është shteti i tretë arab që normalizon marrëdhënie të tilla.
Në deklaratën për marrëveshjen, thuhet se delegacionet e Emirateve të Bashkuara Arabe dhe Izraelit “do të takohen në javët e ardhshme” në mënyrë që të nënshkruajnë marrëveshje për investime, turizëm, siguri, shëndetësi, kulturë, krijimin e ambasadave …
Shtyrja e aneksimit të tokës palestineze
Si pjesë e marrëveshjes, Izraeli ka pranuar të pezullojë “deklaratën e sovranitetit” në Bregun Perëndimor të okupuar, sipas një deklarate të Shtëpisë së Bardhë.
Sidoqoftë, kryeministri izraelit Benjamin Netanyahu tha më vonë se ai ra dakord për shtyrjen e aneksimit si pjesë e normalizimit të marrëdhënieve me Emiratet e Bashkuara Arabe, por se ajo mbetet “në tryezë”. Ai shprehet se, në marrëveshje me Trump, ai vetëm “shtyu” planet dhe se kurrë nuk do të “heqë dorë nga të drejtat për atë vend”.
Në fillim të këtij viti, kryeministri izraelit njoftoi se do të aneksojë një të tretën e Bregut Perëndimor tashmë të okupuar – përfshirë pjesë të zonës strategjike të Luginës Jordan – në përputhje me “Vizionin e një Plani Paqe për Izraelin dhe Palestinën” të Trump.
Nga ana tjetër, ministri i Jashtëm i Emirateve Anëar Gargash, në një intervistë për Sky Neës Arabi, tha që paqja me Izraelin ndihmoi në ccaktivizimin e një lloji bombe kohore që kërcënoi një zgjidhje dy-shtetesh.
Axhenda strategjike e Lindjes së Mesme
Marrëveshja Izrael-Emirate gjithashtu hap rrugën për të ashtuquajturën Axhendë Strategjike të Lindjes së Mesme, e cila, siç thuhet në deklaratën e përbashkët, “do të zgjerojë bashkëpunimin diplomatik, tregtar dhe siguri” në rajon.
“Së bashku me Shtetet e Bashkuara, Izraeli dhe Emiratet e Bashkuara Arabe ndajnë një këndvështrim të ngjashëm mbi kërcënimet dhe mundësitë në rajon, si dhe një angazhim të përbashkët për promovimin e stabilitetit përmes angazhimit diplomatik, rritjen e integrimit ekonomik dhe koordinimit më të ngushtë të sigurisë”, thuhet në dokument.
Qasja në vendet muslimane
Deklarata thoshte gjithashtu se sipas Vizionit të Planit të Paqes, muslimanët do të lejohen të vizitojnë dhe luten në Xhaminë Al-Aksa, vendi i tretë më i shenjtë i Islamit, i cili është vendosur në një kompleks të madh që muslimanët e quajnë al-Haram al-Sharif.
“Të gjithë muslimanët që vijnë në paqe mund të vizitojnë dhe luten në Xhaminë Al-Aksa, dhe vendet e tjera të shenjta në Jeruzalem duhet të jenë të hapura për besimtarët paqësorë të të gjitha feve”, thuhet në deklaratë.
Kompleksi ndodhet në Jeruzalemin Lindor, i cili u pushtua nga Izraeli gjatë Luftës Gjashtë-ditore në vitin 1967, por që nuk ka marrë kurrë njohje ndërkombëtare.
Vaksina
Izraeli dhe Emiratet e Bashkuara Arabe “do të zgjerojnë dhe shpejtojnë bashkëpunimin menjëherë kur bëhet fjalë për trajtimin dhe zhvillimin e një vaksine koronavirus”, thuhet në deklaratë.
Në qershor, Netanyahu tha që Izraeli do të bashkonte forcat me Emiratet e Bashkuara Arabe për të luftuar pandeminë, pavarësisht mungesës së lidhjeve diplomatike të të dy vendeve.
Në të njëjtin muaj, agjensia shtetërore e lajmeve në Emiratie WAM njoftoi se dy kompani atje do të punonin me Izraelin në projekte mjekësore, përfshirë luftën kundër COVID-19.