Kallëzime penale në Strugë dhe Ohër për objektet hotelierike të cilat kanë pranuar mysafirë këto ditë dhe nuk kanë respektuar protokollet
22 akomodues dhe hotelierë nga destinacionet turistike në të gjithë vendin kanë marrë kallëzime penale për mosrespektimin e rekomandimeve për mbrojtjen kundër coronavirusit.
Udhëheqësja e Inspektoratit për Inspektim, Meri Proja Prodanovska, njoftoi sot në Ohër i konfirmoi pohimet e shërbimeve të inspektimeve, për kontrollet e forcuara të hotelierëve dhe akomoduese gjatë fundjavës së zgjatur në Ohër, Strugë, por edhe në vendet e tjerë turistikë në të gjithë vendin.
Inspektorati Shtetëror i Tregut aktualisht po bën kontrolle intensive në bregun e Ohrit, ndërsa kontrollet po kryhen me ndihmën e policisë për të siguruar respektimin maksimal të masave dhe protokolleve për mbrojtje nga COVID-19.
“Që nga e premtja, janë regjistruar 22 shkelje të masave qeveritare nga objektet e kategorizuara të akomodimit dhe hotelierisë dhe bazuar në nenet 205 dhe 206 të dekretit, kundër tyre do të ngritet kallëzime penale”, tha Proja Prodanovska.
Sipas saj shkelje janë vërejtur: tetë në Ohër, katër në Strugë, pesë në Manastir, tre në Dojran dhe një në Mavrovë dhe Koçan.
Sidoqoftë, nga kontrollet në terren, Proja Prodanovska tha se në dy ditët e kaluara, respektimi i masave qeveritare mund të vërehet në shumicën e subjekteve juridike.
